မန်ယူနှင့်မော်ရင်ဟိုတို့သည် တစ်ရာသီပေါင် ၁၅ သန်းတန် သုံးနှစ်စာချုပ်ကို မူအားဖြင့်သဘောတူထားပြီးဖြစ်သည်ဟု ဒေးလီးမယ်ရာ သတင်းစာ က ဖော်ပြလိုက်သည်။
မန်ယူအသင်းသည် မော်ရင်ဟိုနှင့်ပုဂ္ဂိုလ်ရေးဆိုင်ရာအချက်အလက်များကို သဘောတူညီထားပြီးဖြစ်ကာ မော်ရင်ဟိုသည် အက်သလက် တီကိုမှ အရည်သွေးမြင့်အားကစားဒါရိုက်တာ ဘာထရာကိုလည်း ခေါ်ယူချင်နေ သည်။
အီတလီလူမျိုးဘာထရာသည် မော်ရင်ဟို၏အေးဂျင့် ဂျော့ခ်ျမန်ဒက်စ်နှင့် ရင်းနှီးသည့်မိတ်ဆွေတစ်ဦးဖြစ်သည်။ မန်ယူသို့၎င်းရောက်လာပါက ကစားသမားသစ်ခေါ်သည့်တာဝန်ကို အမှုဆောင်ဒုဥက္ကဋ္ဌ ဝုဒ်ဝက်ဒ်ထံမှ လွှဲယူဖွယ်ရှိနေသည်။
မော်ရင်ဟိုအနေဖြင့် မန်ယူကိုတာဝန်ယူပြီးလျှင် မာတာနှင့် ဖယ်လိုင်နီ တို့ကိုရောင်းထုတ်လိမ့်မည်ဟုလည်း ဒေးလီးမေးလ်သတင်းစာက ဖော်ပြ ထားသည်။
၂၀၁၄ ဇန်နဝါရီတွင် ချယ်လ်ဆီးအသင်းက မာတာကို ပေါင် ၃၇ သန်းဖြင့် မန်ယူအသင်းထံရောင်းချခဲ့ရာ၌ အဓိကအခန်းကဏ္ဍမှ ပါဝင် ခဲ့သော မော်ရင်ဟိုအနေဖြင့် မန်ယူကိုကိုင်တွယ်သည့်အခါတွင်လည်း မာတာကို ၎င်း၏အစီအစဉ်ထဲ၌ ထည့်သွင်းလိုခြင်းမရှိသည့် အနေ အထားဖြစ်သည်။
၂၀၁၃ တွင်မန်ယူသို့ရောက်လာပြီးကတည်းက ရုန်းကန်နေရသည့် ဖယ်လိုင်နီသည်လည်း အလားတူအနေအထားမျိုးဖြစ်နေသည်။
Credit – hyper sport
အောင်မြင့်မြတ်(Myanmar Youths)
No comments:
Post a Comment