ချဲလ်ဆီးအသင်းရဲ့ဂန္တ၀င်ကစားသမားဖြစ်သူ ဖရန့်လမ်းပတ်က နောက်ခံလူဂျွန်တယ်ရီကိုစာချုပ်သစ်အတွက်ကမ်းလှမ်းမှုပြုလုပ်သင့်တယ်လို့ပြောဆိုသွားပါတယ်။ ချဲလ်ဆီးအသင်းရဲ့ဝါရင့်နောက်ခံလူဟာ သူ့ရဲ့ကစားသမားဘ၀ကာလတစ်လျောက်လုံး ချဲလ်ဆီးအသင်းမှာသာမြှပ်နှံခဲ့တာဖြစ်ပြီး အသင်းရဲ့စာချုပ်သစ်အတွက်ကမ်းလှမ်းမှုမရရှိတာကြောင့် လာမည့်ရာသီကုန်မှာအသင်းကနေထွက်ခွာတော့မှာဖြစ်ပါတယ်။ လက်ရှိအချိန်မှာ နယူရော့စီးတီးအသင်းအတွက်ကစားနေတဲ့ဖရန့်လမ်းပတ်က “သူ့ကိုချဲလ်ဆီးအသင်းက စာချုပ်သစ်အတွက်ကမ်းလှမ်းတာကျွန်တော်မြင်ချက်ပါတယ်။ ဂျွန်တယ်ဘက်ကတော့အသင်းမှာဆက်နေဖို့အတွက်ဆိုရင်မေးခွန်းထုတ်စရာတောင်မလိုပါဘူး။ သူဟာကစားသမားဘ၀တစ်လျောက်လုံးချဲလ်ဆီးအသင်းမှာသာကစားဖို့ရည်ရွယ်ထားသူဖြစ်ပါတယ်။ ကျွန်တော်ဟာတယ်ရီနဲ့အလွန်ရင်းနှီးတဲ့ဆက်ဆံရေးရှိပါတယ်။ သူ့ရဲ့ဘောလုံးအပေါ်အယူအဆတွေ ကွင်းထဲမှာသူကစားပြခဲ့တာတွေကအစ အသင်းအတွက်အလွန်အရေးကြီးတဲ့ပွဲတွေမှာ သူရဲ့ဦးဆောင်မှုတွေ ပေးဆပ်မှုတွေကြောင့် လူတိုင်းကလေးစားရတဲ့နောက်ခံလူတစ်ဦးဖြစ်လို့နေပါတယ်။ သူဟာဒီရာသီမှာလည်း အသင်းကိုအကောင်းဆုံးဆက်လက်ဦးဆောင်နိုင်တုန်းဖြစ်ပါတယ်။ သူဟာမစ္စတာချဲလ်ဆီးပါပဲ။ သူ့လိုကစားသမားမျိုးဟာအသင်းမှာဆက်ရှိဖို့အတွက် အလွန်ထိုက်တန်တဲ့ကစားသမားမျိုးပါပဲ။” လို့ပြောဆိုသွားပါတယ်။
အောင်မြင့်မြတ်(Myanmar Youths)
No comments:
Post a Comment