အာဆင်နယ်ကစားသမားနှစ်ဦးကိုစိတ်ဝင်စားနေတဲ့လီဗာပူးအသင်း

အာဆင်နယ်အသင်းရဲ့ကစားသမားနှစ်ဦးဖြစ်တဲ့တောင်ပံကစားသမားအောက်စလိတ်ချိန်ဘာလိန်နဲ့ဂိုးသမားဆက်ဇနီတို့ကိုလီဗာပူးအသင်းကစိတ်ဝင်စားမှုတွေပြသလျက်ရှိနေပါတယ်။ Daily Express သတင်းစာရဲ့ဖော်ပြချက်အရ လီဗာပူးအသင်းမန်နေဂျာယာဂန်ကလော့ဟာလာမည့်ရာသီမှာအသင်းကိုပြန်လည်ပြင်ဆင်ဖွဲစည်းသွားဖွယ်၇ှိနေပြီး ချိန်ဘာလိန်နဲ့ဆက်ဇနီတို့ကိုမျက်စိကျလျက်ရှိနေပါတယ်။ ဆက်ဇနီဟာလက်ရှိအချိန်မှာရိုးမားအသင်းမှာတစ်ရာသီအငှါးစာချုပ်နဲ့သွားရောက်ကစားနေပြီး လက်စွမ်းလည်းပြထားနိုင်ပါတယ်။ သို့ပေမယ့်လည်း ပိုလန်လက်ရွေးစင်ဂိုးသမားဟာလာမည့်နွေရာသီမှာတော့အာဆင်နယ်ကိုပြန်လာဖွယ်ရှိနေပါတယ်။ ချိန်ဘာလိန်ဟာဆိုရင်လည်းဒီရာသီအာဆင်နယ်အသင်းမှာဒဏ်ရာတွေနဲ့ရုန်းကန်နေရပြီး ပုံမှန်ခြေစွမ်းပျောက်ဆုံးနေတာကြောင့် ၀င်းဂါးရဲ့ဦးစားပေးပွဲထွက်စာရင်းနဲ့ဝေးကွာနေရတာဖြစ်ပြီး လာမည့်ရာသီမှာအသင်းပြောင်းဖို့စဉ်းစားဖွယ်ရှိနေပါတယ်။

Credit – sport myanmar

အောင်မြင့်မြတ်(Myanmar Youths)