ပရီးမီးယားလိဂ်ကအရှိန်အမြင့်ဆုံး၊ ရင်အခုန်ရဆုံးအချိန်ကိုရောက်နေပါပြီ။ နေရာစုံက တိုက်ပွဲတွေအတွက် အသင်းတိုင်းလိုလိုရည်မှန်းချက်ကိုယ်စီနဲ့တိုက်ပွဲဝင်နေကြပါပြီ။
လာမယ့်ရက်သတ္တပတ်ချန်ပီယံလိဂ်ကြောင့်စနေညမှာပဲ အသင်းကြီးပွဲစဉ်တွေကိုအပြီးယှဉ်ပြိုင်မှာပါ . .
ပရီးမီးယားလိဂ်ပွဲစဉ် (၂၉)
---------------------------
စပါး - အာဆင်နယ် (၅-၃-၂၀၁၆ ည ၇း၁၅)
စပါးရဲ့အကောင်းဆုံးအချိန်မှာ အမှတ်ပေးချန်ပီယံဆုအတွက် ပြိုင်ဘက်အသင်းတစ်သင်းနဲ့ရင်ဆိုင်တွေ့နေတာပါ။ အာဆင်နယ်ကလက်ရှိအချိန်မှာလူပြန်စုံနေပြီး ကစားပုံလည်းကောင်းလာပါတယ်။ မန်ယူကိုရှုံးခဲ့တယ်ဆိုပေမယ့် ဒါကအမြဲတမ်းဒီလိုဖြစ်နေမယ်လို့ယူဆလို့မရပါဘူး။ စပါးနဲ့ အာဆင်ထိပ်တိုက်တွေ့ဆုံမှုမှာလည်း အာဆင်နယ်က အသာစီးရတဲ့အနေအထားမှာရှိပါတယ်။ ဒီပွဲနဲ့ပတ်သတ်ရင်စဉ်းစားရမှာက စပါးရဲ့ကစားအားနဲ့တိုက်စစ်အရှိန်ပါပဲ။ ဟာရီကိန်းကို အာဆင်နယ်ခံစစ်အတွဲက ထိန်းချုပ်နိုင်မလားဆိုတဲ့အချက်ကတော်တော်အရေးကြီးတယ်။ အာဆင်နယ် တိုက်စစ်ကိုပြန်ကြည့်ရင်အဓိကကစားသမားမဟုတ်တဲ့ ၀ဲလ်ဘတ်က ဝေါလ်ကော့ ထက်ပိုထိရောက်နေပြီး ဂျရူးကလည်း ဆန်းချက်ဇ်၊ အိုဇေးလ်တို့အတွဲနဲ့ ပြသနာရှိတယ်။ စပါကွင်းလယ်ကလိုက်အားကောင်းတယ်။ အိုဇေးလ်ကိုပဲအာရုံစိုက်ပြီးထိန်းချုပ်မှာပဲ။ အာဆင်နယ်အတွက်အရေးပါတာ ဆန်းချက်ဇ်ဘာလုပ်နိုင်မလဲဆိုတာပဲ။ စပါးက ဒီပွဲကိုဒီရာသီရဲ့အရေးကြီးဆုံးပွဲအဖြစ်ယူဆထားမှာပါ။ အစွမ်းကုန်ရုန်းပါလိမ့်မယ်။ သရေဆိုတာမျှတာပါတယ်။ နိုင်မယ့်အသင်းဆိုရင်တော့ အာဆင်နယ်ဖြစ်ပါလိမ့်မယ်။
မန်စီးတီး - အက်စတွန်ဗီလာ (၅-၃-၂၀၁၆ ည ၉း၃၀)
မန်စီးတီးအတွက်အရှိန်မြှင့်ရမယ့်အချိန်ရောက်နေပါပြီ။ ဆက်ပြီးအမှားခံတော့မှာလည်းမဟုတ်ဘူး။ အက်စတွန်ှဗီလာလိုအသင်းမျိုးကိုမနိုင်စရာလည်းမရှိဘူး။ (၃)မှတ်အပိုင်ရမယ့်ပွဲပါ။ ဂိုးမပြတ်စရာလည်းမရှိဘူး။
နယူးကာဆယ် - ဘုန်းမောက် (၅-၃-၂၀၁၆ ည ၉း၃၀)
နယူးကာဆယ်က ခန့်မှန်းရခက်တဲ့အနေအထားဖြစ်နေတယ်။ အဓိကကစားသမားအချို့ခြေစွမ်းပြန်ပျောက်နေပြီး ကစားသမားသစ်တွေက အဆင်ပြေတယ်ပြောရမယ်။ ဒါပေမဲ့ ဘုန်းမောက်ကလည်း သိပ်ပြီးမစွံတဲ့အချိန်ဖြစ်နေတယ်။ နယူးကာဆယ်နိုင်ပွဲပြန်ရလိမ့်မယ်။
ဆွမ်ဆီး - နောဝစ်ခ်ျ (၅-၃-၂၀၁၆ ည ၉း၃၀)
ဆွမ်ဆီးအသင်းရဲ့လက်ရှိအနေအထားက မဆိုးဘူးဆိုတဲ့အဆင့်မှာရှိတယ်။ ရလဒ်တွေကတော့ပြန်ကျလာတယ်။ ဒါပေမဲ့ ခြေစွမ်းငြိမ်ပါတယ်။ နောဝစ်ခ်ျကတော့တော်တော်ကျသွားပြီ။ ကစားပုံရော၊ စိတ်ဓာတ်ပါ အားနည်းနေတယ်။ အိမ်ရှင်အသင်းကိုကြိုက်တယ်။
ချယ်လ်ဆီး - စတုတ်စီးတီး (၅-၃-၂၀၁၆ ည ၉း၃၀)
ချယ်လ်ဆီးရဲ့ခြေစွမ်းနဲ့ရလဒ်ပိုင်းက သိသိသာသာတိုးတက်လာတယ်။ နယူးကာဆယ်၊ ဆောက်သမ်တန်နဲ့ နော၀၀်ခ်ျတို့ကို (၃)ပွဲဆက်အနိုင်ရခဲ့တယ်။ နောက်ဆုံး (၂)ပွဲဆိုရင် အဝေးကွင်းမှာနိုင်ခဲ့တာ။ ဒီအခြေအနေက အရှိန်ရသွားပြီလို့ပဲပြောရမယ်။ စတုတ်စီးတီးကမာရမယ့်အချိန်မှာ အရမ်းမာပေမယ့် မျှော်လင့်ချက်မရှိတာနဲ့ အဝေးကွင်းလိုအနေအထားမှာ သိပ်အားမထည့်တာမကြာခဏတွေ့ရတယ်။
ချယ်လ်ဆီးအနိုင်သေချာတယ်။ ဂိုးတောင်ပြတ်သွားနိုင်တယ်။
ဆောက်သမ်တန် - ဆန်းဒါးလန်း (၅-၃-၂၀၁၆ ည ၉း၃၀)
ဆောက်သမ်တန်ရဲ့အဓိကအားကခံစစ်ပါပဲ။ ခံစစ်အရမ်းကောင်းနေတယ်။ တိုက်စစ်က ရာသီအစပုံစံမဟုတ်ဘူး။ ဒါပေမဲ့ ဂိုးပုံမှန်ရတယ်။ ခံစစ်ကောင်းနဲ့တွဲလိုက်လို့ နိုင်ပွဲတွေရတယ်။ ဆန်းဒါးလန်းက ခြေစွမ်းမာလာပြီးငြိမ်နေတယ်။ ဒါပေမဲ့ ဆောက်သမ်တန်အနိုင်သေချာတဲ့ပွဲပါ။
အဲဗာတန် - ၀က်စ်ဟမ်း (၅-၃-၂၀၁၆ ည ၉း၃၀)
ခြေစွမ်းသိပ်မကွာကြဘူး။ ရလဒ်ကတော့ဝက်စ်ဟမ်းနည်းနည်းသာတယ်။ အဲဗာတန်ကတိုက်စစ်ပိုကောင်းတယ်။ ဒါပေမဲ့ ၀က်စ်ဟမ်းကကစားပုံမာကျောပြီးခံစစ်ပိုင်းစိတ်ချရတဲ့အနေအထားမှာရှိတယ်။ ဒါပေမဲ့အဲဗာတန်အိမ်ကွင်းဖြစ်နေတာကိုသတိပြုရမယ်။ ဂိုးများနိုင်တယ်။
အဲဗာတန်နိုင်မယ်။
ဝက်ဖို့ဒ် - လက်စတာ (၅-၃-၂၀၁၆ ၁၂း၀၀)
ဝက်ဖို့ဒ်အသင်းရဲ့ အားနည်းချက်က အဓိကတိုက်စစ်အတွဲအပြင် ဂိုးသွင်းနိုင်တဲ့သူရှားပါးတာပဲ။ တစ်ခုရှိတာကလက်စတာအသင်းကိုတော့ကောင်းကောင်းဒုက္ခပေးနိုင်တယ်။ လက်စတာဒီပွဲကနေ (၃)မှတ်ရဖို့အရမ်းခက်တယ်။ အိမ်ကွင်းမှာဝက်ဖို့ဒ်သရေတစ်မှတ်ရသွားနိုင်တယ်။
Credit – Eleven Sports
အောင်မြင့်မြတ်(Myanmar Youths)
No comments:
Post a Comment