အင်္ဂါနေ့ညက ကန်ခဲ့သည့် ချန်ပီယံလိဂ် ပွဲစဉ်ရလဒ်များ

အာက်တိုဘာ ၂၀ ရက် ညပိုင်းက ကစားခဲ့သည့် ချန်ပီယံလိဂ် ပွဲစဉ်များတွင် ဘိုင်ယန်မြူးနစ်ကို အနိုင်ယူကာ အာဆင်နယ်အသင်း မျှော်လင့်ချက် အသက်ဆက်ခဲ့ပြီး မြို့ခံပြိုင်ဘက် ချယ်လ်ဆီးမှာမူ အဝေးကွင်းတွင် သရေတစ်မှတ်သာ ရယူနိုင်ခဲ့သည်။

အာဆင်နယ် ၂ - ၀ ဘိုင်ယန်မြူးနစ်

ချန်ပီယံလိဂ် အုပ်စု(F)တွင် အဖွင့်နှစ်ပွဲစလုံး အရေးနိမ့်ထားသည့် အာဆင်နယ်သည် ဂျာမန်ချန်ပီယံ ဘိုင်ယန်ကို ဒုတိယပိုင်း သွင်းဂိုးများဖြင့် အနိုင်ယူကာ အုပ်စုမှ လွတ်မြောက်ရေး မျှော်လင့်ချက်များ ပြန်လည် ရှင်သန်လာစေခဲ့သည်။

ယခုပွဲတွင် နှစ်သင်းစလုံး ကစားပုံကောင်းပြီး ဂိုးသွင်းခွင့်များ ရခဲ့သော်လည်း အမှားပိုများသည့်အသင်းက ရှုံးနိမ့်သွားခြင်း ဖြစ်သည်။ ဘိုင်ယန်၏ အကြိမ်ကြိမ် ထိုးဖောက်မှုများကို အာဆင်နယ် ဂိုးသမား ပီတာဆက်ခ်ျ ကာကွယ်နေသဖြင့် ပထမပိုင်းတွင် ဧည့်သည်အသင်း ခြေသာသော်လည်း ဂိုးမရခဲ့ချေ။

ထို့အတူ အာဆင်နယ်ဘက်မှ မီဆွတ်အိုဇေးလ်၊ သီအိုဝဲလ်ကော့တို့၏ ဂိုးသွင်းရန် အားထုတ်မှုများကို ဘိုင်ယန်ဂိုးသမား မန်နျူရယ်နျူအာ က တားဆီးခဲ့သည်။

ပွဲချိန် ၇၇ မိနစ်တွင်မူ နျူအာ၏ အမှားမှတစ်ဆင့် အာဆင်နယ် ဦးဆောင်ဂိုး စတင်ရရှိသည်။ ဆန်တီကာဇော်လာ ခုပ်တင်ပေးသည့် ပြစ်ဒဏ်ဘောကို  နျူအာ ထွက်ပုတ်ရာ ချိန်သား လွဲသွားသည့်နောက် အကာအကွယ်မဲ့ ဂိုးပေါက်ထဲသို့ အိုလီဗီရာ ဂီရော့ဒ်က ခေါင်းတိုက် သွင်းသွားခြင်း ဖြစ်သည်။

ပွဲပြီးခါနီး နာကျင်အချိန်ပိုတွင် ဘိုင်ယန်၏ လူပေးကစားပုံ ပေါ့လျော့မှုမှတစ်ဆင့် ဟက်တာဘယ်လာရင် တစ်ကိုယ်တော် ဆွဲပြေးပြီး ချိုးပေးသည်ကို အိုဇေးလ် ကန်သွင်းရာ နျူအာ ပုတ်ထုတ်သော်လည်း ဂိုးစည်းကျော်နေပြီ ဖြစ်သဖြင့် ဒိုင်က ဂိုးအဖြစ် သတ်မှတ်ပေးပြီး အာဆင်နယ်တို့ နှစ်ဂိုးပြတ် အနိုင်ရကာ ယခုနှစ် ချန်ပီယံလိဂ်၏ ပထမဆုံး ၃ မှတ်ကို ပိုင်ဆိုင်နိုင်ခဲ့သည်။


ဘိတ်ဘိုရီဆော့ဗ် ၀ - ၂ ဘာစီလိုနာ

အများ မျှော်လင့်ထားသည့်အတိုင်း ဘာစီလိုနာသည် အဝေးကွင်းတွင် ဖြစ်လင့်ကစား ဘိတ်ကို သက်တောင့်သက်သာ ထိန်းချုပ်ကစားပြီး အနိုင်ရသွားခဲ့သည်။

ဒုတိယပိုင်း ပွဲစပြီး မကြာမီတွင် ဘယ်ခြမ်းမှ နေမာ တစ်ကိုယ်တော် ဆွဲယူ ထိုးဖောက်လာပြီး ဘီးကုပ်ထိပ်နားရှိ အိုင်ဗန်ရာကီတစ်ကို ချပေးရာ ခရိုအေးရှား လက်ရွေးစင် ကွင်းလယ်လူက အပြင်းကန်သွင်းပြီး လက်ရှိ ဥရောပ ချန်ပီယံတို့ ပွဲကို ဦးဆောင်ခဲ့သည်။

၆၄ မိနစ်တွင် နေမာပင် အနီးကပ် မျှောထုတ်ပေးလိုက်သည့် ဘောလုံးကို ရာကီတစ်က ဘိတ်ဂိုးသမားနှင့် အတွေ့တွင် အသာအယာ ကျော်ကန် သွင်းယူကာ ဘာစီလိုနာအတွက် ဒုတိယဂိုးကို ရယူသွားခြင်း ဖြစ်သည်။


ဒိုင်နမိုကိယက်ဗ် ၀ - ၀ ချယ်လ်ဆီး

ယူကရိန်းကလပ်သည် အာတမ်ကရာဗတ်စ်၊ အန်ဒရီယာမိုလန်ကို၊ ဗစ်တာလီ ဘူရယ်လ်စကီ အစရှိသည့် အဓိက တိုက်စစ်သမား အစုံအလင်ဖြင့် ချယ်လ်ဆီးကို ရင်ဆိုင်ခဲ့ပြီး ချယ်လ်ဆီးကမူ ခံစစ်ကို ပိုမိုအားပြုကာ ပြိုင်ဘက်၏ အမှားကို ချောင်းကစားရန် ကြိုးစားသွားခဲ့သည်။

ဒုတိယပိုင်း အစတွင် ချယ်လ်ဆီး ကွင်းလယ်လူ ဝီလျံ ကန်သွင်းသည့် ပြစ်ဒဏ်ဘော ဂိုးဘားတန်းထိကာ မြေထောက် ထွက်သွားခြင်းကြောင့် အင်္ဂလန် ချန်ပီယံတို့အတွက် နစ်နာခဲ့ရသည်။

ချယ်လ်ဆီးသည် ဝီလျံ၏ ညာခြမ်းကို အားပြုပြီး ဒိုင်နမို၏ ခံစစ်ကို ထိုးဖောက်မှုများ ပြုလုပ်ခဲ့သော်လည်း အီဒင်ဟာဇက်နှင့် ဒီယေဂို ကော်စတာတို့ကဲ့သို့ ချယ်လ်ဆီး တိုက်စစ်မှူးများကို အိမ်ရှင်အသင်းက အကောင်းဆုံး ထိန်းချုပ် ဟန့်တားသွားနိုင်သဖြင့် ဂိုးမရခဲ့ချေ။

၆၁ မိနစ်တွင် တန်ပြန်တိုက်စစ်မှတစ်ဆင့် ဒိုင်နမို တောင်ပံလူ ဒါလစ်ဂွန်ဇာလက်ဇ် ဧရိယာထဲ၌ အပိုင်ကန်ခွင့် ရလာသော်လည်း ချယ်လ်ဆီးဂိုးသမား အက်စ်မာ ဘီဂိုဗစ် ကာကွယ်သွားသည်။ ထို့နောက်ပိုင်းတွင် နှစ်သင်းလုံး ဂိုးရရန် ရုန်းကန်ခဲ့ရပြီး ဂိုးမရှိ သရေဖြင့်သာ ပွဲပြီးသွားခဲ့သည်။


ဘေယာလေဗာကူဆင် ၄ - ၄ ရိုးမား

ချန်ပီယံလိဂ် အုပ်စုပွဲစဉ် ၃ ၏ ပထမနေ့ ပွဲစဉ်အားလုံးတွင် စိတ်လှုပ်ရှားစရာ အကောင်းဆုံး ပွဲစဉ်ဖြစ်ပြီး နှစ်သင်းပေါင်း ၈ ဂိုးထိ သွင်းယူခဲ့ကြသည်။ ပွဲအစ ၄ မိနစ်တွင် လေဗာကူဆင် တိုက်စစ်ကို တားဆီးရန် ကြိုးစားရင်း ရိုးမား နောက်ခံလူ ဗာဆီလစ် တိုရီုဆီဒစ် ဧရိယာထဲတွင် ဘောလုံးနှင့်လက် ထိမိပြီး ပင်နယ်တီ ပေးခဲ့ရသည်။

အဆိုပါ ပင်နယ်တီကို ဟာဗီးယား ဟာနန်ဒက်ဇ်က အမှားအယွင်းမရှိ ကန်သွင်းပြီး အိမ်ရှင်ဂျာမန်အသင်း ပွဲကို ဦးဆောင်ခဲ့သည်။ ၁၉ မိနစ် တွင် လေဗာကူဆင် ခံစစ်မှူးများကြားမှ လူကျွံထောင်ချောက်ကို ပါးပါးနပ်နပ် ဖောက်ထွက်သွားသည့် ဟာနန်ဒက်ဇ်က ဂိုးသမား ဝိုဆစ်ခ်ျ ဆက်ဇီနီနှင့် တစ်ဦးချင်းအတွေ့တွင် နှစ်ဆင့်ကန်သွင်းကာ ဒုတိယဂိုး ရယူခဲ့သည်။

၂၉ မိနစ်တွင် ထောင့်ကန်ဘောမှ ကျလာသည့် ဘောလုံး ရှုပ်ရှုပ်ထွေးထွေး ဖြစ်နေစဉ် ကော့စ်တက်စ် မာနိုလက်စ် ချပေးသည်ကို ဒန်နီရယ်လ် ဒီရော့ဆီက ရင်ဘတ်ဖြင့် တစ်ချက်တားကာ ဧရိယာထဲမှ အပိုင်ကန်သွင်းပြီး ရိုးမားတို့ တစ်ဂိုးပြန်လည် ချေပသည်။

၃၁ မိနစ်တွင် ထောင့်ဖြတ်ဘောကို ဟာနန်ဒက်ဇ် အပိုင် ပိတ်သွင်းမှု မြေထောက်ပြီး ဂိုးဘားပေါ် ကျော်သွားသဖြင့် မက္ကဆီကို လက်ရွေးစင် တိုက်စစ်မှူး အနေဖြင့် Hat-Trickရမည့် အခွင့်အရေး လွဲချော်သွားသည်။

၃၈ မိနစ်တွင် မီရာလမ် ယာနစ်ခ်ျ ကန်တင်ပေးသည့် ပြစ်ဒဏ်ဘောကို လူကပ်မခံထားရသည့် ဒီရော့ဆီကပင် လွတ်လွတ်ကျွတ်ကျွတ် ပိတ်သွင်းကာ ရိုးမားတို့ ဒုတိယ ချေပဂိုး ရရှိခဲ့ပြန်သည်။

၅၄ မိနစ်တွင် ယာနစ်ခ်ျက ဘီးကုပ်ထိပ်နားတွင် ရရှိသည့် ပြစ်ဒဏ်ဘောကို လှလှပပ ကန်သွင်းကာ ဧည့်သည်အသင်း ပွဲကို တစ်ကျော့ပြန် ဦးဆောင်လာခဲ့သည်။

ထိုအချိန်ထိ ရိုးမားရလာသည့် ၃ ဂိုးစလုံး တည်ကန်ဘောများကို အခြေခံနေသည်ကို တွေ့ရသည်။ ၇၃ မိနစ်တွင် ဂါဗင်ဟို ဘယ်ခြမ်းမှ ထိုးဖောက် တိုးဝင်လာပြီး ခင်းပေးသည်ကို လူစားဝင် တိုက်စစ်သမား အိုင်ဂို ဖယ်လ်ကယူက ဝင်ပိတ်ပြီး ရိုးမားတို့ ၄-၂ ဖြင့် ဦးဆောင် ကစားခွင့် ရလာခဲ့သည်။

၈၄ မိနစ်တွင် လေဗာကူဆင် ကွင်းလယ်လူ ကီဗင်ကမ်ပယ်လ်က ဘီးကုပ်အစွန်းနားမှ တိကျသော ကန်ချက်ဖြင့် ချေပဂိုး သွင်းယူခဲ့သည်။

၈၆ မိနစ်တွင် ကမ်ပယ်လ် မျှောထုတ်ပေးသည်ကို ဘယ်ခြမ်းမှ ပြေးတက်လာသည့် ဝမ်ဒဲလ်က ချိုးပေးလိုက်ရာ အက်ဒ်မာ မာဟ်မာဒီက အလိုက်သင့် ပိတ်သွင်းပြီး စတုတ္ထ ချေပဂိုး ရရှိကာ ၄-၄ ဖြင့် ပွဲသိမ်းခဲ့သည်။

အခြားပွဲစဉ်များတွင် အိုလံပီယာကော့စ်က အဝေးကွင်းတွင် ဒိုင်နမို ဇာဂရက်ဘ်ကို ၁-၀ ဖြင့် အနိုင်ရခဲ့ပြီး ပေါ်တိုက မက္ကာဘီ ဟိုင်ဖာကို အိမ်ကွင်းတွင် ၂-၀ ဖြင့် အနိုင်ရခဲ့သည်။

ဗလန်စီယာက ဂျန့်ကို အိမ်ကွင်းတွင် ၂-၁ ဖြင့် အနိုင်ရခဲ့ပြီး ဇင်းနစ် စိန့်ပီတာစဘာ့ဂ်ကလည်း အိုလံပစ် လိုင်ယွန်ကို အိမ်ကွင်းတွင် ၃-၁ ဖြင့် ဂိုးပြတ် အနိုင်ယူခဲ့သည်