ဗီယက်နမ် ဘောလုံးအဖွဲ့ ချုပ်နှင့် ဘင်ဒေါင်းတီဗီတို့ ပူးပေါင်းကျင်းပသည့် နိုင်ငံတကာ ကလပ်အသင်း ဖိတ်ခေါ်ပြိုင်ပွဲ (VTB Cup) ကို လာမည့်နိုဝင်ဘာတွင် ကျင်းပမည်ဖြစ်ပြီး မြန်မာနေရှင်နယ်လိဂ်မှ ကလပ်အသင်းတစ်သင်း ဝင်ရောက်ယှဉ်ပြိုင်ရန် ဗီယက်နမ် ဘောလုံးအဖွဲ့ချုပ်က မြန်မာနိုင်ငံ ဘောလုံးအဖွဲ့ချုပ်ကို ဖိတ်ကြားခဲ့ကာ ရတနာပုံအသင်း ဝင်ရောက်ယှဉ်ပြိုင်မည် ဖြစ်သည်။
‘‘နိုင်ငံခြားနည်းပြ နီဒီဆေးရီဆာနဲ့က စာချုပ်သက်တမ်း ၂ နှစ် ချုပ်ဆိုထားတဲ့ အတွက် ဒီပြိုင်ပွဲကိုလည်း သူနည်းပြချုပ်အဖြစ်နဲ့ တာဝန်ယူ ဆောင်ရွက်မှာပါ။
နိုင်ငံခြားကစားသမားတွေက ဒီဇင်ဘာအထိ စာချုပ်ချုပ်ထားတဲ့ သူတွေရှိသလို အောက်တိုဘာမှာ စာချုပ်သက်တမ်းပြည့်မယ့် သူတွေလည်း ရှိတယ်။ အတိအကျတော့ မမှတ်မိဘူး။ စာချုပ်သက်တမ်းကျန်တဲ့ ကစားသမားတွေတော့ ဒီပြိုင်ပွဲမှာ ပါဝင်မှာပါ’’ဟု ရတနာပုံအသင်း မန်နေဂျာ ဦးအောင်ထွန်းဦးက ပြောသည်။
အဆိုပါပြိုင်ပွဲကို ဗီယက်နမ်နိုင်ငံ ဟိုချီမင်းမြို့တွင် နိုဝင်ဘာ ၆ ရက်မှ ၁၅ ရက် အထိ ကျင်းပမည်ဖြစ်ပြီး ၂၀၁၅ ဗီလိဂ်ပြိုင်ပွဲမှ ထိပ်ဆုံးလေးသင်းနှင့် ပြည်ပကလပ်အသင်း လေးသင်း၊ စုစုပေါင်း အသင်းရှစ်သင်းတို့နှင့် ကျင်းပမည်ဖြစ်သည်။
ယင်းပြိုင်ပွဲတွင် ရတနာပုံ၊ ဂျပန်တက္ကသိုလ် လက်ရွေးစင်အသင်း၊ ကိုရီးယား တက္ကသိုလ် လက်ရွေးစင်၊ ဘရာဇီးကလပ် အသင်းတစ်သင်းဖြစ်သည့် ဘန်ဂုအက်သလက်တီကိုတို့ ဝင်ရောက်ယှဉ်ပြိုင်မည် ဖြစ်သည်။ ၂၀၁၄ က စတင်ကျင်းပခဲ့သည့် ယင်းပြိုင်ပွဲတွင် ဧရာဝတီ ယူနိုက်တက်အသင်း ဝင်ရောက် ယှဉ်ပြိုင်ခဲ့ပြီး အုပ်စုအဆင့်ဖြင့်သာ ကျေနပ်ခဲ့ရသည်။
No comments:
Post a Comment