အာဆင်နယ်အသင်း၏ ကွင်းလယ်လူအိုဇေးလ်သည် ၂၀၁၅ ခုနှစ်အတွက် ဂျာမန်လက်ရွေးစင်အသင်း တစ်နှစ်တာအကောင်းဆုံးကစားသမားဆုကို ဆွတ်ခူးခဲ့ကြောင်းသိရသည်။
ယခုနှစ်ဘောလုံးရာသီတွင် အာဆင်နယ်အသင်း၏ကွင်းလယ်ပိုင်းတွင်ဖန်တီးမှုများ ဖြင့်ခြေစွမ်းပြလျက်ရှိသလိုဂျာမနီလက်ရွေးစင်အသင်း၏ပွဲစဉ်များတွင်လည်းအကောင်းဆုံးခြေစွမ်းပြခဲ့သူဖြစ်သည်။ အိုဇေးလ်သည်ယင်းဆုကို နောက်ဆုံး (၅)ကြိမ်တွင် (၄)ကြိမ်မြောက်ဆွတ်ခူးခဲ့ခြင်းဖြစ်ပြီး ပြီးခဲ့သည့် ၂၀၁၄ တွင်မူလက်ရှိရီးယဲလ် ကွင်းလယ်လူတိုနီကရူးစ်က ရရှိထားသည်။
ယခုနှစ် ၂၀၁၅အတွက်မဲပေးရွေးချယ်မှုတွင် အိုဇေးလ်သည် ဘိုင်ယန်မြူးနစ်တိုက်စစ်မှူး သောမတ်မူလာ (၁၅.၉%)၊ ကိုလုံးနောက်ခံလူ ဟတ်တာ (၁၃.၆%)တို့ကို မဲဆန္ဒအပြတ် အသတ်အသာရကာ (၄၅.၉%)နှုန်းဖြင့် ဆွတ်ခူးခဲ့ခြင်းဖြစ်ကြောင်းသိရသည်။
အိုဇေးလ်သည် ၂၀၀၉ ခုနှစ်တွင်ဂျာမနီလက်ရွေးစင်အဖြစ်စတင်ရွေးချယ်ခံရပြီး ဂျာမနီလက်ရွေးစင်အသင်းအတွက်ပွဲပေါင်း (၇၀)ကစားပေးထားကာ (၁၈)ဂိုးသွင်းယူပေးထားပြီး အသင်းနှင့်အတူ ၂၀၁၀ ကမ္ဘာ့ဖလားတတိယနှင့် ၂၀၁၄ ကမ္ဘာ့ဖလားချန်ပီယံဆုတို့ကိုဆွတ်ခူးထားသည်။
Credit – eleven sport
No comments:
Post a Comment