မာယန်ကိုတစ်ရာသီစာချုပ်ဖြင့်ရန်ကုန်အသင်းခေါ်ယူ

ရန်ကုန်ယူနိုက်တက်အသင်းသည် အသင်းနှင့်လမ်းခွဲခဲ့သော နည်းပြချုပ် အီမာဆင် ၏နေရာတွင် ဧရာဝတီအသင်းနည်းပြ မာယန်အား တစ်ရာသီ စာချုပ်ဖြင့် ခေါ်ယူစာချုပ် လိုက်သည်ဟုရန်ကုန်အသင်းအထွေထွေမန်နေဂျာ ဦးကျော်လင်းထွေးက ပြောသည်။
ဧရာဝတီနည်းပြမာယန်သည် ပြီးခဲ့သည့် ဘောလုံးရာသီတွင် ဧရာဝတီ အသင်းအား ဗိုလ်ချုပ်အောင်ဆန်းဒိုင်းရရှိအောင် စွမ်းဆောင်ပေးနိုင်ခဲ့ပြီး AFC Cup ၀င်ခွင့်ရအောင် လုပ်ဆောင်ပေး ခဲ့သော်လည်း ယခုနှစ်ရာသီ တွင် နည်းစနစ်ဒါရိုက်တာရာထူးပြောင်းလဲ ခန့်အပ်ခဲ့သည့် အတွက် အသင်းနှင့် အဆင်မပြေဖြစ်ကာ စာချုပ်ဖျက်သိမ်းခဲ့သည်။
မက်ဆီဒိုးနီးယားနိုင်ငံသားမာယန်သည် မက်ဆီဒိုးနီးယားလူငယ် လက်ရွေးစင် ယူ-၁၅၊ ယူ-၁၇၊ ယူ-၁၉ အသင်းတို့ကို ကိုင်တွယ်ဖူး သည့်အပြင် ဧရာဝတီယူနိုက်တက်အသင်း ၌လည်း ၂၀၁၂ ခုနှစ်တွင် MFF Digicel ရှုံးထွက်ဖလား၊ ၂၀၁၅ ခုနှစ်တွင် MFF Charity Cup နှင့် ဗိုလ်ချုပ်အောင်ဆန်းဒိုင်း များအား ရရှိအောင် စွမ်းဆောင်ပေးနိုင်ခဲ့သူ ဖြစ်ပြီး ၂၀၁၅ ခုနှစ် AFC Cup တွင်လည်း အုပ်စုတွင်း ရှုံးပွဲမရှိဘဲ ရှုံးထွက်အဆင့် သို့ ရောက်ရှိ အောင် စွမ်းဆောင်ပေးခဲ့သည့် နည်းပြတစ်ဦးဖြစ်သည်။
နည်းပြသစ်မာယန်နှင့် ပတ်သက်၍ “ အီမာဆင်ကို နှစ်ဦးသဘောတူ စာချုပ် ဖျက်လိုက် တာပါ။ သူ့အစား ဧရာဝတီက မာယန်ကိုတစ်ရာသီစာချုပ်နဲ့အသင်းကိုခေါ်ယူလိုက်ပါပြီ။ မနေ့ကတည်းက ကစပြီး အသင်းလေ့ကျင့်ခန်းအစီအစဉ်မှာ ၀င်ရောက်လုပ်ဆောင် သွားမှာပါ။ ဒီလာမယ့် ဟံသာဝတီနဲ့ပွဲကိုလည်း သူ့ရဲ့ ပထမဦးဆုံးပွဲအဖြစ် ကိုင်တွယ် သွားမှာပါ။ သူက နည်းပြကောင်းတစ်ယောက်ပါ။ AFC Cup အတွေ့အကြုံကောင်းတွေ လည်း သူ့မှာ အများကြီးရှိပါတယ် ” ဟု ဦးကျော်လင်းထွေးက ပြောသည်။
ရန်ကုန်ယူနိုက်တက်အသင်းသည် ယခုနှစ် ၂၀၁၆ ဘောလုံးရာသီ မြန်မာနေရှင်နယ် လိဂ်အဖွင့်ပွဲစဉ်တွင် မကွေး အသင်းကို ၁-၂ ဖြင့် ရှုံးနိမ့်ထားပြီး လာမည့် ဇန်န၀ါရီ ၁၇ ရက်တွင် လိဂ် ဒုတိယပွဲစဉ်အဖြစ် ဟံသာဝတီအသင်းနှင့် သုဝဏ္ဏကွင်း၌ ယှဉ်ပြိုင်ကစား ရမည် ဖြစ်သည်။
Credit – hyper sport